गण्डकीमा भेटिए सापुका १४ बिरामी

In नेपाल, मुख्य समाचार, समाचार

पोखरा । गण्डकी प्रदेशमा मंगलबारसम्म १४ जना सापुका बिरामी चिकित्सको सम्पर्कमा आएका छन् । ती मध्ये कुनै बिरामी उपचारका लागि काठमाडौं गएका छन् भने कुनै पोखरास्थित हिमालय आँखा अस्पतालमा उपचार गराइरहेका छन् ।

सापुु (सिजनल हाइपरएक्युट पनुभिआइटिस) सेतो पुतलीका कारण आँखामा लाग्ने रोग हो । यो रोग सेतो पुतलीको झुस आँखामा परेपछि आँखाको दृष्टि नै गुम्ने खतरा हुन्छ । हिमालय आँखा अस्पतालका चिफ मेडिकल डाइरेक्टर डा. इन्द्रमान महर्जनले ४ जना बिरामी भने निको भएर घर फर्किएको जानकारी दिए ।

‘सापु प्रभावितमध्ये हिमालय आँखा अस्पतालले २ जना बिरामीको शल्यक्रिया गरेको छ । २ जना अस्पतालको निगरानीमा छन्,’ डा महर्जनले भने, ‘७ जना बिरामी थप उपचार गर्न काठमाडौं जान्छौं भन्नु भो । उहाँहरुलाई उतै रेफर गरेका छौं ।’ उनले तिलगंगामा ४ जना बिरामी र टिचिङ अस्पतालमा ३ जना बिरामी रेफर गरिएको जानकारी दिए ।

सापु देखिएका मध्ये ४ जना बिरामी निको भएर घर फर्किसकेको डा महर्जनले बताए । उनले भने, ‘उहाँहरु समयमै अस्पतालको सम्पर्कमा आउनुभयो । ४ जना बिरामी निको भएर घर फर्किसक्नु भएको छ ।’ सापु प्रत्येक २ वर्षमा देखिने गरेको छ र प्रकोपका रुपमा फैलिने गरेको छ ।

२ वर्षअघि पोखरामा ५ वर्षको अन्तरालमा यो रोग देखिएको थियो । त्यसको २ वर्षपछि यसपटक सापुुको प्रकोप पोखरामै देखिएको हो । यस वर्ष भदौको दोस्रो हप्तादेखि यो रोग देखा परेको थियो । गण्डकीमा फेरि सापुको प्रकोप देखिन थालेपछि केही समयअघि काठमाडौंबाटै चिकित्सकको टोली पोखरा आएको थियो । गत बिहीबारमात्रै सापु समस्या लिएर एकैदिन ६ जना बिरामी हिमालयन आँखा अस्पतालमा पुगेका थिए ।

‘पहिले पहिले कास्कीमा यो रोग धेरै देखिन्थ्यो,’ डा महर्जनले भने, ‘तर यो पटक अस्पतालको सम्पर्कमा आउनेमा बाग्लुङ र म्याग्दीका धेरै छन् ।’ उनले अन्य जिल्लाबाट भने सापु प्रभावित बिरामी अस्पतालको सम्पर्कमा नआएको जानकारी दिए ।

सापु पहिलो पटक २०३२ मा पोखरामै देखिएको चिकित्सको दाबी छ । सुरुमा १६ वर्षमुनीका बालबालिकामा देखिएको यो रोग हाल देशैभरि फैलिएको यसको उपचारमा संलग्न चिकित्सकले जानकारी दिएका छन् । देशभर हाल १५ हजार जना यो रोगबाट प्रभावित भएको चिकित्सकको आँकलन छ ।

आँखा अचानक रातो हुँदै जाने, आँखाको नानीमा सेतो दाग देखिन थाल्ने, उज्यालोमा हेर्न गाह्रो हुन्छ र कम समयमै आँखाको ज्योति कमजोर हुँदै जाने शापुको लक्षण भएको यस रोग पत्ता लगाएका डा. मदनकुमार उपाध्याय बताउँछन् । ‘यो रोग देखिएको ४८ घन्टामा उपचार पाए निको हुन सक्छ । तर निको नै हुन्छ भन्ने हुँदैन । तत्काल उपचार गर्दा आँखाको ज्योति गुम्ने खतरा कम हुन्छ,’ उनले भने ।

सेतो पुतली उज्यालो बत्तीमा बढी आकर्षित हुने हुनाले त्यसबाट बच्न चिकित्सकको सुझाव छ । ‘सेतो पुतलीको सीधैं संसर्गबाटमात्रै यो रोग लाग्छ भन्ने हुँदैन । पर्दा, सिरक, टावेल झ्याल लगायतबाट पनि आँखामा समस्या निम्त्याउन सक्छ,’ डा. इन्द्रमान महर्जन भन्छन्, ‘यसले एउटा आँखाको मात्रै दृष्टि गुम्छ । अर्कोलाई सर्दैन ।’

अनलाइन खबर

Join Our Newsletter!

Love our news? We love to tell you about our new stuff. Subscribe to newsletter!

You may also read!

रेडियो नेपालमा तालाबन्दी गर्न खाेज्ने नाै जना पत्रकार गिरफ्तार

काठमाडौं। रेडियो नेपाल प्रदेश प्रसारण कार्यालय दिपायलबाट निष्काशित पत्रकारको पुनःवहालीको माग गर्दै रेडियो नेपालमा तालाबन्दी  गर्ने नाै जना पत्रकार

Read More...

नेप्से दोहोरो अङ्कले घट्यो

काठमाडौं। आइतबार दोहोरो अङ्कले ओरालो लागेको धितोपत्र बजारमा शेयर कारोवार मापक नेप्से परिसूचक आज पनि सोही लय पछ्याएको छ।

Read More...

गण्डकी प्रदेशमा भ्रष्टाचार हुने जिल्लामा बागलुङ ५ औँ नम्वरमा

बागलुङ– गण्डकी प्रदेशका ११ जिल्लामध्ये बागलुङ भ्रष्टाचार हुने जिल्लाको सूचीमा पाँचौँ स्थानमा देखिएको छ । आर्थिक वर्ष २०७५/७६ मा अख्तियार

Read More...

Leave a reply:

Your email address will not be published.

This site uses Akismet to reduce spam. Learn how your comment data is processed.

Mobile Sliding Menu