कुल आचार्यद्वारा एनआरएनए विशेष अधिवेशन बोलाउन माग

In NRNA News, मुख्य समाचार, यूके समाचार, समाचार

लण्डन। गैरआवासीय नेपाली संघ (एनआरएनए) का निवर्तमान उपाध्यक्ष कुल आचार्यले संघको विशेष अधिवेशन बोलाउन माग गरेका छन् । मंगलबार अपराहृन लन्डनमा पत्रकारहरुसाग अन्तरक्रिया गर्दै आचार्यले गत अक्टोबरमा काठमाडौँमा सम्पन्न संघको नवौं विश्व सम्मेलनले आर्थिक र संगठनिक प्रतिवेदन पारित नगरेकाे उल्लेख गर्दै विशेष अधिवेशन बोलाएर टुंग्याउन माग गरेका हुन् ।

‘आर्थिक र सांगठनिक प्रतिवेदन पारित नहुनुले हाम्रो संस्थाको गरिमामाथि नकारात्मक असर पर्नुका साथै विभिन्न अनियमितताका समाचारहरू बाहिर आइरहेका छन् । सन् २०१८ मा आयोजित विश्व ज्ञान सम्मेलनमा काटिएको टिकट तथा होटेल बुकिङको हिसाब सार्वजनिक गरिएको छैन’, विशेष महाधिवेशनको माग गर्दै आचार्यले भने, ‘त्यस्तै म उपाध्यक्ष हुँदा संस्थामा २, २ जना सीईओ राख्दा संस्थाले धान्न सक्दैन भनेर मैले उठाएको विषय अहिले पनि रेकर्डमै छन् । सभा, सम्मेलनहरुको आयोजनामा पनि पारदर्शिता कायम गरिएको छैन ।’

आचार्यले आईसीसीको हालै बसेको भनिएको बैठककोबारे पनि प्रश्न उठाएका छन् । बैठकले गरेको मनोनयन एकपक्षीय र पूर्वाग्रहपूर्ण भएको भन्दै उनले त्यसमाथि प्रश्न उठाएका हुन् ।

‘क्षेत्रीय संयोजक (आरसी) हरूले गरेको सिफारिसलाई बेवास्ता गरी आफ्ना नजिकका मानिसहरुलाई मनोनयन गर्ने काम संस्थाको हितमा छैन। यस्तो कामले संस्थालाई अरू कमजोर बनाउने निश्चित छ’, उनले भने ।

लाखौं एनआरएनहरूको श्रम र पसिनाले संस्था स्थापित भएको उल्लेख गर्दै उनले यसको साख जोगाउन सबैले खबरदारी गर्नुपर्ने बताए ।

आचार्यलले विदेशमा रहेका नेपालीहरूको हितबारे एनआरएनएको वर्तमान नेतृत्वले नसोचेको भन्दै यसप्रति पनि असन्तुष्टि जनाए । संसारभरि बसोबास गरिरहेका गैरआवासीय नेपालीहरूले नेपालस्थित आफ्नो सम्पत्ति कसरी सुरक्षित रहन्छ र सर्वसुलभ ढंगले कसरी गैरआवासीय नेपाली नागरिकता पाउन सकिन्छ भनेर चासो राखे पनि यसमा एनआरएनएको वर्तमान नेतृत्वले चासो नदिएको आचार्यको भनाइ छ । संसद् अधिवेशन सुरु भइसकेको अवस्थामा एनआरएनएको नेतृत्व मौन रहनु खेदजनक रहेको आचार्यको टिप्पणी छ।

आचार्य अघिल्लो कार्यकालमा उपाध्यक्ष थिए । गत अक्टोबरमा सम्पन्न एनआरएनए चुनावमा अध्यक्ष पदमा प्रतिस्पर्धा गरे पनि उनी कुमार पन्तसँग पराजित भएका थिए। उनले काठमाडौमा सम्पन्न एनआरएनए चुनावमा अनियमितता र धााधली भएको आरोपसमेत लगाउादै आइरहेका छन् ।

अनलाइनखबर

Join Our Newsletter!

Love our news? We love to tell you about our new stuff. Subscribe to newsletter!

You may also read!

अबदेखि निर्वाचन पाँच तारे होटलमा होइन भृकुटी मण्डपमा पाल टाँगेर गर्छौः एनआरएनए

गैरआवासीय नेपाली संघ (एनआरएनए)ले अबदेखि आफ्नो निर्वाचन पाँच तारे होटलमा नगर्ने भएको छ । पोखराको रुपाकोट रिसोर्टमा जनवरी १८

Read More...

कर्णालीका पाँच जिल्ला तीन दिनदेखि सञ्चारविहीन

सुर्खेत । साविक कर्णालीका पाँच जिल्ला सञ्चारविहीन भएका छन् । तीन दिनदेखि कालीकोट, हुम्ला, डोल्पा, मुगु र जुम्ला सञ्चारविहीन

Read More...

धादिङमा खेलाडी र रेफ्रिबीच झडप : एकको मृत्यु, एक गम्भीर

दार्खा (धादिङ) : धादिङको खनियावास गाउँपालिका ४ दार्खा घाम्सामा युवाबीच झडप हुँदा १ जनाको मृत्यु भएको छ । घटनामा

Read More...

Leave a reply:

Your email address will not be published.

This site uses Akismet to reduce spam. Learn how your comment data is processed.

Mobile Sliding Menu