दोस्रो मेयर कपको उपाधि आयोजक बानपालाई

BY: himalayamail In खेलकुद, नेपाल, मुख्य समाचार, समाचार

दोस्रो मेयर कप फुटबल प्रतियोगिताको उपाधि आयोजक बागलुङ नगरपालिकाले उचालेको छ । मंगलबार सम्पन्न फाइनल खेलमा चौदण्डीगढी नगरपालिका उदयपुरलाई २–५ गोल गर्दै उपाधि आयोजकले उचालेको हो ।

बाङ्गेचौर खेल मैदानमा सम्पन्न खेलमा खेल सुरु भएको २ मिनेटमा नै बागलुङका कप्तान प्रमेश थापाले गोल गर्दै टिमलाई सुरुवाती अग्रता दिलाएका थिए । निकै आक्रमक खेल प्रस्तुत गरेको बागलुङले २१ औं मिनेटमा स्ट्राइकर ध्रुव घिमिरेको गोलबाट आफ्नो अग्रता दोब्बर बनाएको थियो । दोस्रो गोल गरेको ४ मिनेटपछि बागलुङका खेलाडि आभिषेक बोहोराले डि–बक्सभित्र ह्उान्ड बल गर्दा चौदण्डीगढीले पेनाल्टीबाट गोल गर्न अवसर पाएको थियो । पेनाल्टीको सदुपयोग गर्दै शरद राईले खेललाई २–१ मा ल्याएका थिए । खेलको ३४ औं मिनेटमा चौदण्डीगढीका खेलाडीले आफ्नो गोलकिपरलाई दिएको पास हातले समात्दा बागलुङले डि–बक्सभित्र फ्रि–किकको अवसर प्राप्त गरेको थियो । फ्रि–किकको सदुपयोग गर्दै बागलुङका मिडफिल्डर उत्तम गुरुङले उत्कृष्ट गोल गरेका थिए ।पहिलो हाफसम्म ३–१ को अग्रता लिएको बागलुङले खेलको ४९ औं मिनेटमा गोविन थापाको गोलका मद्दतले बागलुङले ३ गोलको अग्रता बनाउन सफल भयो । ३ गोलको अग्रता कायम राखेको बेला खेलको ७५ औं मिनेटमा डि–बक्सभित्र रक्षात्मक पंक्तिका खेलाडी निशान थापाले ह्याण्ड गर्दा चौदण्डीगढी पुनः पेनाल्टीमार्फत गोल गर्ने अवसर पाएको थियो । पेनाल्टीको सदुपयोग गर्दै चौदण्डीगढीका शरद राईल बागलुङ संगको अग्रता २ मा झारेका थिए । तर खेलको ७७ औं मिनेटमा बागलुङ खेलाडी उत्तम गुरुङले पुन गोल गर्दा बागलुङले ५–२ को गोल अन्तर बनाएको थियो । बाँकी समयमा चौदण्डीगढीले गोल गर्न सकेन र बागलुङले मेयर कपको उपाधि उचालेको हो । खेलका उत्कृष्ट खेलाडि गोविन थापा भएका थिए । प्रतियोगितामा उत्कृष्ट विधातर्फ सवै बागलुङका खेलाडि घोषित भएका थिए । प्रतियोगिताको उत्कृष्ट खेलाडी निशान थापा, सवैभन्दा वढी गोल गर्न खेलाडी ध्रुव घिमिरे (५ गोल), उत्कृष्ट स्ट्राइकर ध्रुव घिमिरे, उत्कृष्ट गोलरक्षक सौगात खड्का, उत्कृष्ट डिफेन्डर जीवन गुरुङ र उत्कृष्ट मिडफिल्डर उत्तम गुरुङ घोषित भएका थियो । प्रतियोगितामा प्रथम हुने टिमले ३ लाख, मेडल र प्रमाण पत्र प्राप्त ग¥यो भने द्धितीय हुने टिमले २ लाख मेडल र प्रमाण पत्र प्राप्त गरेको थियोभने सेमिफाइनलमा पुग्ने टिमले ६०/६० हजार प्राप्त ग¥यो । प्रतियोगितामा ९ टिमको सहभागिता रहेको थियो । प्रतियोगिताको समापन कार्यक्रममा गण्डकी प्रदेश सभासद इन्द्रलाल सापकोटाले सम्बोधन गरेका थिए । प्रतियोगिताको समापन बागलुङ नगरपालिकाका मेयर जनकराज पौडेलले गरेका थिए ।

Join Our Newsletter!

Love our news? We love to tell you about our new stuff. Subscribe to newsletter!

You may also read!

रोग मात्र हैन डर-त्रास पनि सर्छ, मानसिक स्वास्थ्यमापनि ध्यान दियौ: डा. सुमाया राई

By डा. सुमाया राई मार्च २९ को दिन एक समाचारले सबैको ध्यान आकृष्ट गरेको हुनु पर्छ त्यो के भने जर्मनीको

Read More...

स्पेनमा थप तीन जना नेपालीलाई कोरोना संक्रमण

बार्सिलोना,अप्रिल १ (जीएनएन) स्पेनमा थप ३ जना नेपालीलाई कोरोना संक्रमण भएको छ । क्याटालोनिया क्षेत्रमा बसोबास गर्दै आएका उनीहरुको छुट्टाछुट्टै

Read More...

बेलायतमा रहेका हाम्रा पाका आमाबाबा हरूलाई कोरोना भाइरसबाट कसरी जोगाउन सकिन्छ?: डा.सुमाया राई

By डा. सुमाया राईसंसार भरी कोरोना भाइरसबाट संक्रमित संख्याको वास्तविक चित्रबाट हामी निकै टाढ़ाछौं । WHO ले उपलब्ध गराई

Read More...

Leave a Reply

Mobile Sliding Menu