कोरोना भाइरसले भ्रमण वर्षमा ठेस लाग्यो : प्रचण्ड

BY: himalayamail In नेपाल, मुख्य समाचार, समाचार

पोखरा । नेपाल कम्युनिस्ट पार्टी (नेकपा) अध्यक्ष पुष्पकमल दाहाल ‘प्रचण्ड’ले नेपाल पर्यटन भ्रमण वर्षलाई कोरना भाइरसले ठेस पुर्‍याएको बताएका छन् ।

पोखरामा पर्वतारोहण संघले गरेको शान्ति पूजाको उद्घाटन गर्दै अध्यक्ष प्रचण्डले उत्साह, उच्च आकांक्षा लिएर नेपाल पर्यटन भ्रमण वर्ष मनाइरहेको अवस्थामा कोरनाले ठेस पुर्‍याएको बताएका हुन् ।

‘कोरोना भाइरसले ठेस पक्कै पनि लागेको छ । तुरुन्तै नियन्त्रणमा आउँछ । चीन सरकारले चामत्कारिक हिसाबले अस्पताल बनाउने र भ्याक्सिन पत्ता लगाउने प्रक्रिया अगाडि बढाइसकेको छन्,’ प्रचण्डले भने, ‘नेपालमा कोरना भाइरसको संक्रमण देखिएको छैन । नेपाल सरकारले उद्धारको पहलकदमी लिइसकेको छ । त्रसित हुनुपर्ने अवस्था छैन । चीनमा पनि छिट्टै नियन्त्रण हुन्छ ।’

नेपालमा कोरोनाबाट त्रसित हुनुपर्ने अवस्था छैन भन्ने सन्देश प्रवाह गर्दै भ्रमण वर्षलाई सफल पार्न योगदान गर्नुपर्ने प्रचण्डको भनाइ छ ।

पोखराप्रति विशेष माया छ

गण्डकी प्रदेश र त्यसमा पनि पोखरा आर्थिक र पर्यटक विकासको केन्द्र भएको प्रचण्डले बताए । पोखरा नेपालभरिकै पर्यटन विकासको अगुवा स्थल भएको भन्दै उनले पोखराको विकासमा आफ्नो र राज्यका तर्फबाट के गर्न सकिन्छ भनेर मिहिनेत गर्ने आश्वासन दिए ।

‘पूर्वाधार विकासमा मेरो ध्यान छ । मैले सधैं भन्ने गरेको छु, यहाँका खोलानाला भीरपाखा, पखेरा जहाँ जन्मेर हुर्केको त्यसप्रतिको तगाब र मोह अर्कै हुँदो रहेछ,’ प्रचण्डले भने, ‘हिजोमात्रै पनि काहुँ डाँडा पुगेर त्यहाँको धरहराबाट पूरै पोखरा हेरें । मलाई विशेष माया छ ।’

पोखरामा अन्तर्राष्ट्रिय हवाई अड्डा बनाउने कुरामा पहिलो पटक प्रधानमन्त्री भएदेखि यो एउटा रणनीतिक मुद्धा हो भन्ने ठानेर लगातार अगाडि बनाउन लागि परेको उनले बताए । ढिलै भए पनि सम्पन्न हुने दिशामा जाँदा खुसी लागेको प्रचण्डको भनाइ थियो ।

पोखरामा रिङरोड बनाउने विषयमा अध्ययन गर्नुपर्ने प्रचण्डले बताए । ‘त्यसले पर्यटन विकास र यहाँका जनताको आर्थिक विकासमा ठूलो क्रान्तिकारी परिवर्तन ल्याउन सक्छ भन्ने मेरो विश्वास छ,’ उनले भने ।
अनलाइन खबर

Join Our Newsletter!

Love our news? We love to tell you about our new stuff. Subscribe to newsletter!

You may also read!

बेलायतमा रहेका हाम्रा पाका आमाबाबा हरूलाई कोरोना भाइरसबाट कसरी जोगाउन सकिन्छ?: डा.सुमाया राई

By डा. सुमाया राईसंसार भरी कोरोना भाइरसबाट संक्रमित संख्याको वास्तविक चित्रबाट हामी निकै टाढ़ाछौं । WHO ले उपलब्ध गराई

Read More...

तनहुँमा बस दुर्घटना हुँदा एक जनाको मृत्यु, १८ जना घाइते

दमौली । पृथ्वीराजमार्गअन्तर्गत तनहुँको व्यास नगरपालिका–१२ घाँसीकुवामा आइतबार बिहान बस दुर्घटना हुँदा एक जनाको मृत्यु भएको छ । मृत्यु

Read More...

कर्णालीमा एक हजार शैयाको क्वारेन्टाइन बनाइने

कोरोनाभाइरस (कोभिड–१९) को संक्रमणको जोखिमलाई मध्यनजर गर्दै कर्णाली प्रदेश सरकाले एक हजार बेडसहितको क्वारेन्टाइन स्थापना गर्न लागेको छ। शुक्रबार बसेको

Read More...

Leave a Reply

Mobile Sliding Menu