‘गौतम बुद्धको दर्शन नेपाल श्रीलङ्काबीच सम्बन्ध स्थापनाका निमित्त आधार’

In नेपाल, मुख्य समाचार

 

कोलोम्बो (श्रीलङ्कका), २ जेठ । श्रीलङ्काको औपचारिक भ्रमणमा रहनुभएका राष्ट्रपति विद्यादेवी भण्डारीसँग श्रीलङ्काका पूर्वराष्ट्रपति चन्द्रिका बन्दरानायके कुमारतुङ्गाले कोलम्बोस्थित होटल हिलटनमा आज शिष्टाचार भेट गर्नुभएको छ ।

सो अवसरमा राष्ट्रपति भण्डारीले सगरमाथाको देश नेपाल र ‘पूर्वको मोती’ श्रीलङ्काबीच शताब्दीऔँंदेखि सुमधुर सम्बन्ध रहेको बताउँदै आफ्नो भ्रमणले दुई देशबीचको मित्रता अझै प्रगाढ भई उचाइमा पुग्ने विश्वास व्यक्त गर्नुभयो ।

राष्ट्रपति भण्डारीले मित्रता र सहयोगको द्विपक्षीय सम्बन्ध सामाजिक, सांस्कृतिक र धार्मिक निकटताबाट अभिप्रेरित रहेको बताउँदै गौतम बुद्धको दर्शन र सन्देश दुई देश र यहाँ जनताका बीच सम्बन्ध स्थापनाका निमित्त आधारका रुपमा रहेको बताउनुभयो ।

उहाँले नेपालमा ठूलो राजनीतिक परिवर्तनपछि बनेको समावेशी संविधानले महिला र पिछडिएका समुदायको अधिकार स्थापित भएको उल्लेख गर्दै यसलाई व्यवहारमा परिणत गर्न सरकार निर्वाचनमार्फत संविधानको कार्यान्वयनमा लागिपरेको बताउनुभएको सामान्य प्रशासन मन्त्री केशवकुमार बुढाथोकीले जानकारी दिनुभयो ।

सो अवसरमा श्रीलङ्काका पूर्वराष्ट्रपति कुमारतुङ्गाले नेपाल र श्रीलङ्काबीच आपसी विश्वास र सद्भावको विकास बढेर गएको बताउँदै नेपालको हित र विकासमा श्रीलङ्का सरकार सदैव साथमा रहने विश्वास व्यक्त गर्नुभयो ।

विशेष प्रतिनिधि शीतलप्रसाद महतो/रासस

Join Our Newsletter!

Love our news? We love to tell you about our new stuff. Subscribe to newsletter!

You may also read!

आगलागीबाट करोडौँको क्षति

लम्की । कैलालीको बर्दगोरिया गाउँपालिका–१ सडकपुर बौनियाँमा इलेक्ट्रोनिक पसलको गोदाममा आगलागी हुँदा करोडौँको क्षति भएको छ।  स्थानीय व्यापारी प्रकाशनाथको इलेक्ट्रोनिक्स

Read More...

सवारीमा कर बढाउने निर्णय ६ महिनाका लागि रोक्ने ट्रम्पको घोषणा

वासिङ्टन डिसी, अमेरिका । अमेरिकाले खरिद गर्दै आएका सवारी साधनमा १० प्रतिशतबाट २५ प्रतिशत बढाउने भनिएको कर वृद्धि तत्कालका

Read More...

अष्ट्रेलियाका पूर्व प्रधानमन्त्री बव हकको निधन

सिड्नी । अष्ट्रेलियाका पूर्व प्रधानमन्त्री बव हकको बिहीबार ८९ बर्षको उमेरमा निधन भएको छ । देशको राजधानी सिड्नीस्थित आफ्नै निवासमा

Read More...

Leave a reply:

Your email address will not be published.

This site uses Akismet to reduce spam. Learn how your comment data is processed.

Mobile Sliding Menu