एनआरएनए केन्द्रिय 
पदाधिकारीलाई लन्डन दूतावासमा स्वागत

In मुख्य समाचार, यूके समाचार

 

लन्डन । लन्डनस्थित नेपाली राजदूतावासले गैर आवासीय नेपाली संघ (एनआरएनए) का नवनिर्वाचित पदाधिकारीहरुलाई स्वागत तथा सम्मान गरेको छ । मंगलबार दिउसो दूतावासमा आयोजित एक कार्यक्रममा राजदूत डा. दुर्गाबहादुर सुवेदी र बेलायत भ्रमणमा रहेका नेपाल राष्ट्र बैंकका गभर्नर डा. चिरन्जिवी नेपालले एनआरएनए अध्यक्ष भवन भट्ट एवं उपाध्यक्षद्वय कुमार पन्त र कुल आचार्यलाई औपचारिक बधाइसहित सम्मान गरेका हुन् ।

एनआरएनए पदाधिकारीहरुको कार्यकाल सार्थक, उपलब्धिमुलक र रचनात्मक रहोस् भन्ने शुभकामना दिंदै राजदूत डा. सुवेदीले पुष्पगुच्छा र खादाको सम्मानसहित औपचारिक बधाइ दिए । राजदूत सुवेदीले एनआरएनए अध्यक्ष भट्टले सोमबार बेलायतबाट घोषणा गरेको १० अर्ब रुपैयांको पूर्वाधार विकास कोष समुन्नत नेपाल र देशको आर्थिक विकासको दिशामा ऐतिहासिक एवं दुरगामी असर 
गर्ने खालको भएको बताए । उनले नेपाल सरकारले गैर आवासीय नेपालीलाई विशेष प्राथमिकतामा राखेको जनाउंदै नेपालको अबको एकमात्र एजेन्डा आर्थिक समृद्धिमा सघाउन सबै समक्ष आग्रह समेत गरे ।

गभर्नर नेपालले पनि एनआरएनएको १० अर्ब रुपैयांको पूर्वाधार विकास कोषको स्वागत गर्दै त्यसमा आफूहरुको सक्दो सहयोग हुने बताए । गभर्नर नेपालले बेलायतवासी नेपालीलाई मातृभूमिको विकासका लागि दत्तचित्त भएर लाग्न आग्रह समेत गरे ।

कार्यक्रममा एनआरएनए अध्यक्ष भट्टले दूतावासप्रति आभार व्यक्त गर्दै विदेशमा रहेका समस्त नेपालीको चाहना समृद्ध नेपाल होस् भन्ने रहेको बताउंदै आफ्नो अभियानमा नेपाल सरकारबाट सधैं साथ पाइरहने आशा व्यक्त गरे ।

कार्यक्रममा ग्लोबल आइएमई बैंकका अध्यक्ष एवं नेपाल उद्योग वाणिज्य महासंघका उपाध्यक्ष चन्द्र ढकाल, एनआरएनए सहकोषाध्यक्ष सोम सापकोटा, एनआरएनए यूके पूर्व अध्यक्षहरु सूर्य गुरुङ, योगेन क्षेत्री, तमुधिं यूके अध्यक्ष ज्ञाम गुरुङ, एनआरएनए सल्लाहकार डा. हेमराज शर्मा, मिडियाकर्मी, सामाजिक अभियन्ता, युरोपका एनआरएन नेता, लगायतको सहभागिता थियो ।

Join Our Newsletter!

Love our news? We love to tell you about our new stuff. Subscribe to newsletter!

You may also read!

करेन्ट लागेर मजदुरको मृत्यु

बेनी : जलजला गाउँपालिका-३ वारीबेनीमा बुधबार दिउँसो करेन्ट लागेर एकजना मजदुरको मृत्यु भएको छ। केन्द्रीय प्रशारण लाइनको तारमा छोइएर करेन्ट लाग्दा

Read More...

राजतन्त्र पुनस्र्थापना हुने खतरा बढ्यो : केसी

काठमाडौं। राष्ट्रिय जनमोर्चाले २०६२–०६३ सालको संयुक्त जनआन्दोलनका मुख्य उपलब्धि गणतन्त्र, राष्ट्रियता र धर्म निरपेक्षताविरुद्ध गम्भिर खतरा उत्पन्न भएको औंल्याएको

Read More...

सफल ब्यबसायी तथा समाजसेवी शकुन गुरुङको सह-कोशाध्यक्षमा उमेद्वारी

ब्यबसायी तथा समाजसेवी शकुन गुरुङले आसन्न गैर आवासीय नेपाली संघ बेलायतको सह-कोशाध्यक्षमा उमेद्वारी दिएकी छन् । एक सफल महिला

Read More...

Leave a reply:

Your email address will not be published.

This site uses Akismet to reduce spam. Learn how your comment data is processed.

Mobile Sliding Menu